Türkiyə, Suriya rejimi tərəfindən 26 may 2021 tarixində keçiriləcəyi elan edilən seçkilərin Birləşmiş Millətlər Təşkilatı Təhlükəsizlik Şurasının (BMT TŞ) 2254 nömrəli qərarı ilə ortaya qoyulan yol xəritəsində yer alan əsaslarla üst-üstə düşmədiyini bildirib.

Xarici İşlər Nazirliyi sözçüsü səfir Tanju Bilgiç Suriya rejimi tərəfindən 26 may tarixində keçiriləcəyi açıqlanan seçkilərlə əlaqədar suala yazılı bir cavab verib.

7 milyona yaxın suriyalı qaçqının səs hüququndan məhrum edilməsindən əlavə olaraq, azad və ədalətli olmaqdan uzaq olan bu seçkilərin beynəlxalq ictimaiyyət tərəfindən qanuni qəbul edilməsinin qeyri-mümkün olduğunu bildirən Bilgiç “Türkiyə Suriyadakı qarşıdurmaya BMT Təhlükəsizlik Şurasının 2254 saylı qərarına əsaslanaraq siyasi bir həll tapma səylərini dəstəkləməyə davam edəcək” ifadəsindən istifadə edib.

Qeyd edək ki, Əsəd rejimi 18 apreldə BMT-nin nəzarətində Suriya Konstitusiya Komitəsinin fəaliyyətlərilə davam edən siyasi prosesi göz ardı edərək, nəzarətindəki bölgələrdə 26 mayda prezident seçkisi keçirməyə qərar verib.

TRT

Türkiyə Suriyada keçiriləcək seçkilərə reaksiya verib yazısı ilk önce Turan Xəbər Agentliyi üzerinde ortaya çıktı.